முன்னாள் ஜனாதிபதி மஹிந்த ராஜபக்ஷ ஒரு சாதாரண குடிமகனாக உலகின் சில நாடுகளுக்குப் பயணம் செய்ய முடியாது. அவர் அவ்வாறு பயணம்செய்தால், அவரது உடலை இந்தநாட்டிற்குத் திருப்பிக் கொண்டுவர வேண்டியிருக்கும் என ஐக்கிய தேசியக்கட்சியின் தவிசாளரும் முன்னாள் அமைச்சருமான வஜிர அபேவர்தன தெரிவித்துள்ளார்.

நேற்று முன்தினம் ஞாயிற்றுக்கிழமை ஹினிதும, ரத்கம மற்றும் பெந்தரஎல்பிட்டிய பிரதேச கூட்டங்களுக்குப் பிறகு, அவர் ஊடகங்களுடன் பேசினார்.

இதன்போது மஹிந்த ராஜபக்சவின் உத்தியோகபூர்வ இல்லம் கூட அரசாங்கத்தால் திரும்பப் பெறப்பட்டுள்ளது. இது ஒரு நல்ல விடயம் என்று நீங்கள் நினைக்கிறீர்களா? என ஊடகவியலாளர் ஒருவர் கேள்வியெழுப்பினார்,


இதற்கு பதிலளித்த அவர்,


இலங்கை வரலாற்றில்,மன்னரின் ஆட்சிக் காலத்திலும் அதற்குப் பின்னரும், பல முன்னாள் அரச தலைவர்கள் அகால மரணம் அடைந்துள்ளனர் என்று நான் நினைக்கிறேன். அல்லது, அந்தஅரச தலைவர்கள் படுகொலை முயற்சியில் இருந்து தப்பித்து இன்றும் உயிருடன் உள்ளனர்.
எனவே இதுதான் இலங்கையின் அரசியல் வரலாறு, நிகழ்காலம் மற்றும் எதிர்காலம்.

உதாரணமாக, மஹிந்த ராஜபக்ஷ ஒரு சாதாரண குடிமகனாக உலகின் சில நாடுகளுக்குப் பயணம் செய்ய முடியாது. அவர் அவ்வாறு செய்தால், அவரது உடலை இந்தநாட்டிற்குத் திருப்பிக் கொண்டுவர வேண்டியிருக்கும்.
வெளிநாடுகளில் மட்டுமல்ல, இலங்கையிலும்,அவர் தனியாகப் பயணிக்க முடியாத பல பகுதிகள் உள்ளன. எனவே, இந்த விடயத்திற்காக அவர் தேசிய அளவில் பாதுகாக்கப்பட வேண்டும் என்று நான் நினைக்கிறேன்.

அவரது முன்னாள் இல்லம் கையகப்படுத்தப்படுவதை நாம் எவ்வாறு பார்க்கிறோம் என்று நீங்கள் கேட்டீர்கள். 2001 ஆம் ஆண்டு பொது நிர்வாக அமைச்சராக இருந்த போது அந்த வீட்டைத் திரும்பப் பெறுமாறு நான் அரசாங்கத்திற்கு கடிதம் அனுப்பிய சம்பவம் எனக்கு நினைவிருக்கிறது.
அப்போது, லக்ஷ்மன் கதிர்காமர் அந்த வீட்டில் தங்கியிருந்தார். அந்த வீட்டில், பாதுகாப்புச் சாவடியிலிருந்து, பெரும் செலவில் குண்டு துளைக்காத கண்ணாடி பொருத்தப்பட்டிருந்தது.
வீட்டைஉடனடியாக அரசாங்கம் கையகப்படுத்த வேண்டும் என்று நான்கடிதம் அனுப்பியபோது, நமது நாட்டின் அப்போதைய பிரதமர் ரணில் விக்கிரமசிங்க என்னை அழைத்து, என்னைக் கடுமையாக விமர்சித்தார். அந்த வீட்டைத் தொடக்கூட வேண்டாம் என்று அவர்கூறினார்.

இந்த நாட்டிற்கு பெரும் சேவை செய்த தலைவர்களை ரணில் விக்கிரமசிங்கே பாதுகாத்தது இப்படித்தான்.
எனக்கு நினைவிருக்கிறபடி, லக்ஷ்மன் கதிர்காமருக்கு இர ண்டு குண் டுதுளைக்காத வாகனங்கள் வழங்கப்பட்டன. ஏராளமான பொலிஸ் பாதுகாப்பு மோட்டார் சைக்கிள்களுடன் சுமார் 300 பாதுகாப்புக் காவலர்களும் வழங்கப்பட்டனர்.
2004 இல் நாம் அதிகாரத்தை இழந்த பிறகு, கதிர்காமர்முன்கூட்டியே பயங்கரவாதிகளால் பாதிக்கப்பட்டார்.
எனவே, இந்த விடயங்களைமிகவும் கவனமாகப் பார்க்க வேண்டும்.  சந்திரிகா கூட பயங்கரவாதத்தில் இருந்து தப்பியவர்.
மைத்ரிபாலா, கோத்தபயா மற்றும் ஜே. ஆர். ஜெயவர்த்தன ஆகியோரும் பயங்கரவாத தாக்குதல்களில் இருந்து உயிருடன் தப்பியவர்கள்.
சுதந்திரத்திற்குப் பிறகும் சுதந்திரத்திற்கு முன்பும் ஒவ்வொரு இலங்கைத் தலைவரும் கொல்லப்பட்டுள்ளனர். அல்லது, அந்தத் தலைவர்கள் கொலை முயற்சிகளிலிருந்து காப்பாற்றப்பட்டுள்ளனர். எனவே, ஒரு அரசாக இந்த அரசாங்கம் தனது பொறுப்பை நிறைவேற்றவேண்டும். இலங்கையை இனி ஒரு கேலிப் பொருளாக மாற்றக்கூடாதுஎன்றார்.