25வீத வரி விதிக்கப்பட்ட பிறகு, அமெரிக்கா தயாரித்த எப்-35 போர் விமானத்தை வாங்க வேண்டாம் என்று இந்தியா முடிவு செய்துள்ளதாக தகவல் வந்துள்ளது.

ரஷ்யாவிலிருந்து கச்சா எண்ணெய் மற்றும் இராணுவ தளவாடங்களை வாங்கினால் இந்தியா மீது 25வீத வரி கூடுதல் அபராதம் விதித்து டொனால்ட் டிரம்ப் எடுத்த முடிவை தொடர்ந்து, அமெரிக்காவின் ஆறாவது தலைமுறை ஸ்டெல்த் போர் விமானமான எப்-35 ஐ வாங்கப் போவதில்லை என்று இந்தியா அமெரிக்காவிடம் தெரிவித்துள்ளதாக கூறப்படுகிறது.

அமெரிக்க ஜனாதிபதி எப்-35 போர் விமான விற்பனையை இந்தியா-அமெரிக்க ஒத்துழைப்புக்கான முக்கிய அடிப்படையாக முன்வைத்தார், மேலும் பெப்ரவரியில் அமெரிக்காவுக்கு வருகை தந்த பிரதமர் நரேந்திர மோடியை அதை வாங்குமாறு வலியுறுத்தினார்.

எப்-35 போர் விமானத்தை நிராகரிப்பதற்கு தொழில்நுட்ப காரணங்களும் உள்ளன. இது குறித்து பாதுகாப்பு நிபுணர் கேர்னல் சஞ்சீத் சிரோஹி கூறுகையில், " வடக்கு அட்லாண்டிக் ஒப்பந்த அமைப்பின் உறுப்பு நாடுகள், குறிப்பாக அமெரிக்க விமானப்படை, இதை வைத்திருக்கின்றன.

எப்-35 பல வகைகளைக் கொண்டுள்ளது, அவற்றில் செங்குத்தாக புறப்படும் மற்றும் தரையிறங்கும் திறன் கொண்டவை மற்றும் இந்திய கடற்படையால் பயன்படுத்தக்கூடியவை ஆகியவை அடங்கும்.

இருப்பினும், இந்தியா எப்-35 ஐ வாங்கக்கூடாது என்றும், அதற்கு பதிலாக ரஷ்ய தயாரிப்பான எஸ்யு-57 போர் விமானத்தை வாங்க வேண்டும். ஏனெனில் எஸ்யு--57 சிறந்த தூரம் மற்றும் வேகத்தைக் கொண்டுள்ளது.  

எப்-35 உடன் ஒப்பிடும்போது ரஷ்ய ஸ்டெல்த் போர் விமானம் மிகவும் மலிவானது. அமெரிக்க ஸ்டெல்த் போர் விமானம் 80 மில்லியன் டொலர் முதல் 110 மில்லியன் டொலர் வரை செலவாகும். ஆனால், ரஷ்ய போர் விமானம் அதில் கிட்டத்தட்ட பாதி செலவாகும்.

இருப்பினும், சுகோய்-57 2019 இல் விபத்துக்குள்ளானது, அதன் பிறகு பெரும்பாலான நாடுகள் எச்சரிக்கையாக இருந்தன. அமெரிக்க ஸ்டெல்த் போர் விமானத்தின் பராமரிப்பு செலவு மிக அதிகம்.
எப்-35 இன் வாழ்நாளில் இந்தியாவிற்கு1.5 டிரில்லியன் டொலர் செலவாகும். வொஷிங்டன் இந்தியாவிற்கு விமானத்தை தயாரிப்பதற்கான தொழில்நுட்ப அறிவையோ அல்லது உரிமத்தையோ வழங்காது. ஏனெனில் அது அதன் கொள்கைகளுக்கு எதிரானது.

மறுபுறம், ரஷ்யா தொழில்நுட்பத்தையும் உற்பத்திக்கான உரிமத்தையும் உடனடியாக மாற்றக்கூடும். அமெரிக்காவில் அரசாங்கம் மாறிய பிறகு, வொஷிங்டன் உதிரி பாகங்களை வழங்க மறுக்கக்கூடும், இதனால் அதன் பாதுகாப்பு தயார்நிலை மிகவும் மோசமான நிலைமைகளுக்கு தள்ளப்படலாம்" என்றார்.