குற்றப் புலனாய்வுத் திணைக்களத்தின் காவலில் உள்ள பிள்ளையானை தொலைபேசியின் மூலம் அணுக முயன்றதாகக் கூறப்படும் குற்றச்சாட்டைத் தொடர்ந்து, நாட்டின் முன்னாள் ஜனாதிபதி ரணில் விக்ரமசிங்கவின் தலைமை பாதுகாப்பு அதிகாரி அவரது பதவியில் இருந்து திடீரென இடமாற்றம் செய்யப்பட்டுள்ளார்.

ரணில் விக்ரமசிங்கவின் பாதுகாப்புப்பிரிவில் இரண்டு தசாப்தங்களுக்கும் மேலாக பணியாற்றிய தலைமை ஆய்வாளர் அசோக ஆரியவன்ச, அவரது முதன்மை பாதுகாப்பு அதிகாரியாக 15 ஆண்டுகள் பணியாற்றிய நிலையில் காங்கேசன்துறை பொலிஸ் நிலையத்திற்கு மீண்டும் நியமிக்கப்பட்டுள்ளதாக பொலிஸ் தலைமையகம் உறுதிப்படுத்தியுள்ளது.

உடனடியாக அமலுக்கு வந்த இந்த இடமாற்றத்திற்கு தேசிய பொலிஸ் ஆணைக்குழு அனுமதி வழங்கியுள்ளதாகவும் தெரிவிக்கப்படுகிறது.
தற்போது குற்றப்புலனாய்வுத் திணைக்களத்தின் காவலில் உள்ள பிள்ளையான் என்று பரவலாக அறியப்படும் முன்னாள் பாராளுமன்ற உறுப்பினர் சிவநேசதுரை சந்திரகாந்தனுக்கும், ரணில் விக்ரமசிங்கவிற்கும் இடையிலான தொலைபேசி உரையாடலைப் பெற ஆரியவன்ச முயன்றதாகத் தெரிவிக்கப்படுகிறது.

இந்தக் கோரிக்கை தொடர்பாக அந்த அதிகாரி குற்றப்புலனாய்வுத் திணைக்கள அதிகாரி ஒருவரைத் தொடர்பு கொண்டதாகக் கூறப்படுகிறது. குறித்த சம்பவம் சர்ச்சையை ஏற்படுத்திய நிலையில், தற்போது அவர் இடமாற்றம் செய்யப்பட்டுள்ளதாக அறிய முடிகின்றது.

முன்னாள் ஜனாதிபதி ரணில் விக்ரமசிங்கதேசிய மக்கள் சக்தி அரசாங்கத்துக்கு எதிராக தொடர்ச்சியாக முன்வைத்து வரும் குற்றச்சõட்டுக்களின் மத்தியில் இந்த இடமாற்றம் இடம்பெற்றுள்ளது