விமான விபத்தில் பிரபல ஹொலிவூட் நடிகர் குடும்பத்துடன் பலியான சம்பவம் அவரது ரகசிகர்களிடையே பெரும் சோகத்தை ஏற்படுத்தியுள்ளது.

ஹொலிவூட் நடிகரான 51 வயதான கிறிஸ்டியன் ஒலிவர் என்பவரே அவரது இரண்டு மகள்களுடன் உயிரிழந்தவராவார்.

கரீபியன் கடல் பகுதியில் இந்த விமான விபத்து நிகழ்ந்துள்ளது.

அண்மையில் கரீபியன் தீவுகளில் சுற்றுலா சென்ற ஒலிவரும் அவரது மகள்களும் தீவை சுற்றி பார்க்க ஒற்றை எஞ்சின் கொண்ட சிறிய ரக விமானத்தில் பயணித்துள்ளனர்.

இவ்வாறு தீவை சுற்றி பார்த்துவிட்டு மீண்டும் தரையிறங்கியபோது திடீரென ஏற்பட்ட கோளாறால் விமானம் கடலில் விழுந்து விபத்திற்குள்ளானது.

இந்த கோர விபத்தில் கிறிஸ்டியன் ஒலிவர், அவரது இரண்டு மகள்கள் மற்றும் விமானி உள்ளிட்ட 4 பேரும் சம்பவ இடத்திலேயே உயிரிழந்துள்ளனர். கோர விபத்தில் ஹொலிவூட் நடிகர் தன் குடும்ப உறுப்பினர்களோடு பலியான சம்பவம் அவரது ரசிகர்களிடையேபெரும் சோகத்தை ஏற்படுத்தியுள்ளது.