பாதாள உலகக் குழுக்களுடன் இராணுவத்தினரை தொடர்புபடுத்தும் குற்றச்சாட்டுகள் அதிகரித்து வரும் நிலையில், நாடு முழுவதும் உள்ள இராணுவ முகாம்களில் சேமித்து வைக்கப்பட்டுள்ளஅனைத்து ஆயுதங்கள் மற்றும் துப்பாக்கிகளின் விரிவான கணக்கெடுப்பை நடத்துவதற்கான இறுதி கட்டத்தில் இலங்கை இராணுவம் இருப்பதாக தகவல்கள் வெளியாகியுள்ளன.

இதுதொடர்பில் கருத்து வெளியிட்டுள்ள இராணுவ செய்தித் தொடர்பாளர் பிரிகேடியர் வருண கமகே

தணிக்கை என்பது தொடர் எண்கள், சரக்கு வவுச்சர்கள் மற்றும் ஒட்டுமொத்த பொறுப்புக்கூறலை சரிபார்ப்பதை உள்ளடக்கிய ஒரு சிக்கலான மற்றும் நேரத்தை எடுத்துக்கொள்ளும் செயல்முறையாகும்.

தணிக்கை கிட்டத்தட்ட இறுதிசெய்யப்பட்டுள்ளது. தொடர் எண்கள், வவுச்சர்கள் என அனைத்தையும் நாங்கள் சரிபார்க்க வேண்டும். முடிந்ததும், எந்த வகையான ஆயுதங்கள் அல்லது துப்பாக்கிகள் காணாமல் போயுள்ளன என்பது எங்களுக்குத் தெரியவரும்  

இந்த ஆண்டின் தொடக்கத்தில், ஜனாதிபதி அனுர குமார திசாநாயக்க, ஒரு இராணுவ முகாமில் இருந்து 73 டீ  56 ரக துப்பாக்கிகள் காணாமல் போயுள்ளதாகவும்,அவை பாதாள உலகக் குழுக்களிடம் இருப்பதாக நம்பப்படுவதாகவும், இது கடுமையான தேசிய பாதுகாப்பு கவலைகளை எழுப்பியதாகவும் தெரிவித்தார்.
 அதிகாரிகள் இதுவரை 38 ஆயுதங்களை மீட்டுள்ளனர், அதே நேரத்தில் 35 துப்பாக்கிகள் காணாமல் போயுள்ளன.

இது தொடர்பாக குறைந்தது 13 வீரர்கள் கைது செய்யப்பட்டுள்ளனர். பாதுகாப்புச் செயலாளர் சம்பத்துயகொண்டா, இராணுவத்தில் பயிற்சி பெற்றவர்கள், குறிப்பாக தப்பியோடியவர்கள், பாதாள உலக நடவடிக்கைகளில் அதிகரித்துவரும் ஈடுபாட்டை முன்னர் எடுத்துரைத்தார்.

பணியில் உள்ள சிலருக்கும் குற்றவியல் தொடர்புகள் இருப்பது கண்டறியப்பட்டுள்ளதாக அவர்ஒப்புக்கொண்டார்.

இதற்கு பதிலளிக்கும் விதமாக,இராணுவத்தில் இருந்து தப்பியோடியவர்கள் மீது கடுமையான நடவடிக்கை எடுக்க பாதுகாப்பு அமைச்சகம் உத்தரவிட்டுள்ளது, அதேநேரத்தில் இராணுவம் தொடர்புடைய விசாரணைகளில் பொலிஸாருக்கு முழு ஒத்துழைப்பையும் வழங்க உறுதியளிக்கப்பட்டுள்ளது.

கடந்த வாரம், மல்லாவியில் உள்ள பாலி நகர் இராணுவ முகாமின் கட்டளை அதிகாரியாக பணியாற்றும் லெப்டினன்ட் கேர்ணல், பாதாள உலக நபர்களான கெஹல்பத்தர பத்மே மற்றும் கமாண்டோ சாலிந்தா ஆகியோருக்கு குறைந்தது 260 சுற்று வெடிமருந்துகளை வழங்கியதாகக்கூறப்படும் குற்றச்சாட்டில் மேல்மாகாண (வடக்கு) குற்றப் பிரிவால் கைது செய்யப்பட்டார்.

விசாரணையின் போது, சிறைச்சாலை போக்குவரத்து வாகனத்தில் கிளேமோர் குண்டுத் தாக்குதல் உட்பட, பாதாள உலகின் ஹரக் கட்டாவைக் கொல்ல சதித்திட்டம் தீட்டியதாக அந்த அதிகாரி தெரிவித்ததாக கூறப்படுகிறது.

கமாண்டோ சாலிந்தா பல முறை தொலைபேசிமூலம் தன்னைத் தொடர்புகொண்டு, இரண்டு கிளேமோர் குண்டுகளை வழங்க அழுத்தம் கொடுத்ததாக அவர் கூறியதாகக் கூறப்படுகிறது.

இருப்பினும், பாதாள உலகத்திற்கு எந்தகிளைமோர்களையும் வழங்குவதை அவர் மறுத்ததாகவும் கூறப்படுகிறது.
கைது செய்யப்பட்ட அதிகாரி பின்னர் பணிநீக்கம் செய்யப்பட்டதாக பிரிகேடியர் கமகே கூறினார்.

கைது செய்யப்பட்ட அதிகாரியுடன் தொடர்புடைய வேறு இராணுவ வீரர்களின் தொடர்பு குறித்து ஏதேனும் தகவல் உள்ளதா என்று கேட்டபோது, இந்தவழக்கில் வேறு யாரும் இதுவரை தொடர்புபடுத்தப் படவில்லை என்று அவர்கூறினார்.

குற்றச் செயல்களில் ஈடுபட்டதாகவோ அல்லதுபாதாள உலகக் குழுக்களுடன் தொடர்புடையதாகவோ கண்டறியப்பட்ட எந்தவொருவருக்கும் எதிராக,அந்தஸ்தைப் பொருட்படுத்தாமல் கடுமையான ஒழுக்காற்று மற்றும் சட்ட நடவடிக்கை எடுக்கப்படும் என்று இராணுவசெய்தித் தொடர்பாளர் கூறினார்.
எந்தவொரு சிப்பாயோ அல்லது அதிகாரியோ சட்டவிரோத தொடர்புகளைக் கொண்டிருப்பது கண்டறி யப்பட்டால், அவர்கள் சட்டத்தின்கீழ் நடவடிக்கை எடுக்கப்படுவார்கள். அனைத்து விசாரணைகளிலும் இராணுவம் காவல்துறையுடன் முழுமையாக ஒத்துழைக்கிறது, .

இதுபோன்ற குற்றங்களில் ஈடுபட்ட எந்தவொரு அதிகாரிக்கும் எதிராக உடனடியாக நடவடிக்கைஎடுக்க இராணுவத் தளபதி தெளிவான உத்தரவுகளை பிறப்பித்துள்ளார் என்றும் பிரிகேடியர் வருண கமகே கூறினார்.