ரஷ்யாவின் லுகோயில் எண்ணெய் நிறுவனத் தலைவர் ரவில் மகனோவ், மாஸ்கோவில் உள்ள மருத்துவமனை ஜன்னலில் இருந்து விழுந்து உயிரிழந்ததாக தகவல்கள் தெரிவிக்கின்றன.நிறுவனம் அவரது மரணத்தை உறுதிப்படுத்தியது. ஆனால் 67வயதான மகனோவ், கடுமையான நோயைத் தொடர்ந்து காலமானார்’ என்று மட்டுமே கூறியது.

மாஸ்கோவின் சென்ட்ரல் கிளினிக்கல் மருத்துவமனையில் சிகிச்சை பெற்று வந்த அவர் சிகிச்சை பலனின்றி உயிரிழந்ததாக ரஷ்ய ஊடகங்கள் தெரிவித்துள்ளன.மர்மமான சூழ்நிலையில் இறந்த பல உயர் வணிக நிர்வாகிகளில் மகனோவ் சமீபத்தியவர்.அவர் எப்படி இறந்தார் என்பதை கண்டறிய சம்பவ இடத்தில் பணியாற்றி வருவதாக விசாரணை அதிகாரிகள் தெரிவித்தனர். டாஸ் செய்தி நிறுவனம் ஆதாரங்களை மேற்கோள் காட்டி அவர் ஆறாவது மாடியின் ஜன்னலிலிருந்து கீழே விழுந்தார் என்று பின்னர் அவர் தனது உயிரை மாய்த்துக் கொண்டார் என்று கூறியுள்ளது.

ரஷ்யா உக்ரைனை ஆக்கிரமித்த சிறிது நேரத்திலேயே, இந்த சோகத்தால் பாதிக்கப்பட்டவர்களுக்கு தனது அனுதாபத்தை வெளிப்படுத்திய லுகோயில், இந்த மோதலை விரைவில் முடிவுக்கு கொண்டுவர அழைப்பு விடுத்தார் என்பது குறிப்பிடத்தக்கது.