வடக்கு அயர்லாந்தில் மீதமுள்ள அனைத்து கொவிட்-19 கட்டுப்பாடுகளும் நீக்கப்படும் என்று சுகாதார அமைச்சர் ரொபின் ஸ்வான் அறிவித்துள்ளார்.இரவு விடுதிகளில் முகக்கவசம் அணிவது மற்றும் கொவிட் சான்றிதழைப் பயன்படுத்துவது உள்ளிட்ட சிறிய எண்ணிக்கையிலான கட்டுப்பாடுகள் தற்போது நடைமுறையில் உள்ளன.சுகாதார அமைச்சர் ரொபின் ஸ்வான், அந்த மீதமுள்ள நடவடிக்கைகள் இனி விதிமுறைகளில் அமைக்கப்படக்கூடாது என்றும் அதற்கு பதிலாக பொதுமக்களுக்கு வழங்கப்படும் வழிகாட்டுதலில் உள்ளடக்கப்படும் என்றும் கூறினார்.மீதமுள்ள விதிகளை இரத்து செய்ய செவ்வாய்க்கிழமை உத்தரவு பிறப்பிப்பதாக அவர் மேலும், தெரிவித்தார்.அவசரத் தேவையின் போது மீண்டும் கட்டுப்பாடுகளை மீண்டும் அறிமுகப்படுத்தும் திறனைத் தக்கவைத்துக்கொள்வது முக்கியம் என்று சுகாதார அமைச்சர் கூறினார்.இதன் விளைவாக கொரோனா வைரஸ் சட்டம் 2020 மூலம் சுகாதாரத் துறைக்கு வழங்கப்பட்டுள்ள அதிகாரங்களை மேலும் ஆறு மாதங்களுக்கு நீட்டிக்க முயற்சிப்பதாக அவர் கூறினார்.