இதற்கிடையில், கடற்படையினரால் கைது செய்யப்பட்ட 13 இந்திய மீனவர்களும் மல்லாகம் நீதவானிடம் ஆஜர்படுத்தப்பட்ட பின்னர் பெப்ரவரி மாதம் 10 ஆம் திகதி வரை விளக்கமறியலில் வைக்கப்பட்டுள்ளனர்.

காங்கேசன்துறை கடற்பரப்பில் இந்திய மீனவர்கள் குழுவொன்று சட்டவிரோத மீன்பிடி நடவடிக்கைகளில் ஈடுபடுவதாக கிடைத்த தகவலின் அடிப்படையில், கடற்படை குழுவினர் கடந்த 27 ஆம் திகதி இரவு அவர்களை கைது செய்தனர்.


இதேவேளை இலங்கை கடற்பரப்புக்குள் வரும் எந்தவொரு படகுக்கும் இடமளிக்க முடியாதென்றும் அதுதொடர்பில் நடவடிக்கை எடுக்கப்படுமென்றும்,  அது இந்திய படகாக இருந்தாலும் சரி வேறு எந்த  நாட்டின் படகாக இருந்தாலும், சரி கட்டாயம் கண்காணிக்கப்படும் என பாதுகாப்பு அமைச்சின் செயலாளர் எயார் வைஸ் மார்சல் சம்பத் துய்யகொந்தா தெரிவித்தார்.

பாதுகாப்பு அமைச்சில் இன்று இடம்பெற்ற செய்தியாளர் மாநாட்டின் போதே அவர் இதனை தெரிவித்தார்.