இரண்டாவது தடவையாகவும் மகிந்த தரப்பிற்கு படுதோல்வி

பொதுஜன பெரமுனவின் ஆட்சி அதிகாரத்திற்குட்பட்ட அலவ்வ உள்ளூராட்சி சபையின் வரவு செலவுத் திட்டம் இரண்டாவது தடவையாகவும் தோற்கடிக்கப்பட்டுள்ளது.

மொத்த உறுப்பினர்களின் எண்ணிக்கை 28 ஆகும்.இதில் வரவு செலவுத் திட்டத்திற்கு ஆதரவாக 9 வாக்குகள் மட்டுமே கிடைத்தன.

வரவு செலவுத் திட்டத்திற்கு எதிராக 17 வாக்குகள் கிடைத்தன. மொட்டுவிற்கு 15 உறுப்பினர்கள் இருந்தாலும் அவர்களில் 5 பேர் மாத்திரமே வரவு செலவுத்திட்டத்திற்கு ஆதரவாக வாக்களித்துள்ளனர்.

ஒன்பது உறுப்பினர்கள் வரவு செலவுத் திட்டத்திற்கு எதிராக வாக்களித்தனர், இருவர் சமுகமளிக்கவில்லை.