ஓமிக்ரோன் மாறுபாடு அச்சுறுத்தலுக்கு பதிலளிக்கும் வகையில், இங்கிலாந்தில் இரண்டாவது மற்றும் பூஸ்டர் தடுப்பூசி செலுத்தும் பணிகளை தேசிய சுகாதார சேவை தீவிரப்படுத்தியுள்ளது.கிறிஸ்மஸ் தினத்தன்று தடுப்பூசி செலுத்துவதற்காக இங்கிலாந்தில் உள்ள கொவிட் தடுப்பூசி தளங்களில் தன்னார்வலர்கள் பணியாற்றுகின்றனர்.லண்டன், மன்செஸ்டர், ஸ்விண்டன் மற்றும் ஈஸ்ட்போர்ன் உட்பட குறைந்தது எட்டு இடங்களில் கொவிட் முன்பதிவு நியமனங்கள் கிடைக்கின்றன.ஆனால் சுமார் 60 சதவீத பெரியவர்கள் இப்போது இங்கிலாந்தில் ஒரு பூஸ்டர் அளவைப் பெற்றுள்ளனர். 32 மில்லியனுக்கும் அதிகமான பூஸ்டர்கள் மற்றும் மூன்றாவது டோஸ்கள் இப்போது நிர்வகிக்கப்பட்டுள்ளனமேலும், ஒமிக்ரோனின் தாக்கத்தைக் குறைக்க தகுதியானவர்கள் அனைவரும் விரைவில் தங்கள் தடுப்பூசி அளவுக்கு முன்வருமாறு அதிகாரிகள் வலியுறுத்துகின்றனர்.தடுப்பூசி மையங்கள் ஸ்கொட்லாந்து, வடக்கு அயர்லாந்து அல்லது வேல்ஸில் டிசம்பர் 25ஆம் திகதி அல்லது 26ஆம் திகதி திறக்கப்படாது.நேற்று (வெள்ளிக்கிழமை) பிரித்தானியாவில் நாளொன்றுக்கான அதிகப்பட்ச கொவிட் தொற்று பதிவானது. அங்கு 122,186பேர் தொற்றினால் பாதிக்கப்பட்டனர்.