2020 ஆம் ஆண்டு எல்லை மோதலால் ஏற்பட்ட நெருக்கடியான உறவுகளை சரிசெய்யும் முயற்சியில், நேரடி விமானங்களை மீண்டும் தொடங்குவதற்கும், விசாக்களை எளிதாக்கவும், வர்த்தகம் மற்றும் முதலீட்டை அதிகரிக்கவும் இந்தியாவும் சீனாவும் இணங்கியுள்ளன.


சீன வெளிவிவகார அமைச்சர் வாங் யி, இந்திய தேசிய பாதுகாப்பு ஆலோசகர் அஜித் தோவலுடனான எல்லைப் பேச்சுவார்த்தைகளுக்காக புதுடெல்லிக்கு மேற்கொண்ட விஜயத்தின்போது இந்த முடிவுகள் எட்டப்பட்டுள்ளன.

இந்தப் பேச்சுவார்த்தையில் துருப்புக்கள் நிலைநிறுத்தம், எல்லைகளை நிர்ணயித்தல் மற்றும் எல்லை முகாமைத்துவம் குறித்து விவாதிக்கப்பட்டது. இருப்பினும் எந்த முன்னேற்றமும் அடையப்படவில்லை.

2026 ஆம் ஆண்டில் சீனாவில் மீண்டும் சந்திக்க இரு நாடுகளும் ஒப்புக்கொண்டதாக பெய்ஜிங் தெரிவித்துள்ளது.