அமெரிக்காவுடன் கனடாவை இணைப்பது தொடர்பாக டொனால்ட் ட்ரம்பின் சர்ச்சையான கருத்து தொடர்பில், கனடா பிரதமர் ஜஸ்டின் ரூடோவை, எலோன் மஸ்க் 'பெண்ணே" என கிண்டலடித்துள்ளார்.

அமெரிக்காவின் 51 வது மாகாணமாக கனடாவை இணைக்க முனைப்பு காட்டி வரும் டொனால்ட் டிரம்ப் அதற்காக அந்நாட்டின் மீது பொருளாதார அழுத்தத்தை கொடுப்பேன் என்றும் அச்சுறுத்தியுள்ளார்.

அமெரிக்கக் கொடியால் வரையப்பட்ட இரு நாடுகளின் ஒருங்கிணைந்த வரைபடத்தையும் அவர் பகிர்ந்துள்ளார்.

இந்நிலையில் இதற்கு பதிலடி கொடுத்துள்ள கனடா பிரதமர் ஜஸ்டின் ட்ரூடோ, 'கனடாவை அமெரிக்காவுடன் இணைக்க வாய்ப்பில்லை' என தனது எக்ஸ் பக்கத்தில் பதிவிட்டுள்ளார்.

 இதனையடுத்து, ஜஸ்டின் ட்ரூடோவின் இந்த எக்ஸ் பதிவிற்கு எலோன் மஸ்க் கிண்டலாக பதில் அளித்துள்ளார்.

அதில், "பெண்ணே, இனிமேல் நீங்கள் கனடாவின் ஆட்சியாளராக இருக்க போவதில்லை. ஆகவே நீங்கள் என்ன சொன்னாலும் பரவாயில்லை" என்று பதிவிட்டுள்ளார்.

கனடா பிரதமராக கடந்த 9 ஆண்டுகள் பதவி வகித்து வந்த ஜஸ்டின் ட்ரூடோ தனது பிரதமர் பதவியிலிருந்து விலகப்போவதாக ஜனவரி 6ஆம் திகதி அறிவித்தமை குறிப்பிடத்தக்கது.