வேல்ஸ் மற்றும் ஸ்கொட்லாந்தில் மீண்டும் கொவிட் நோய்த்தொற்றுகள் குறைந்துள்ளதாக மதிப்பிடப்பட்டுள்ளது.வேல்ஸில் வைரஸுடன் மருத்துவமனையில் உள்ள நோயாளிகளின் எண்ணிக்கை ஒரு வாரத்தில் கிட்டத்தட்ட கால்வாசி குறைந்துள்ளது.சமீபத்திய வாரத்தில் 18 பேரில் ஒருவருக்கு கொவிட் இருப்பதாக மதிப்பிடப்பட்டுள்ளது என்று தேசிய புள்ளியியல் அலுவலகம் கூறுகிறது.ஏப்ரல் 23ஆம் திகதியுடன் முடிவடைந்த வாரத்தில் வேல்ஸில் 172,300 பேருக்கு கொவிட் இருந்தது. இது 5.67 சதவீதம் மக்கள்தொகைக்கு சமம், மற்ற பிரித்தானிய நாடுகளை விட அதிகமாக இருந்தாலும், இரண்டு வாரங்கள் வீழ்ச்சியைக் காட்டுகிறது.அதேநேரத்தில், தேசிய புள்ளியியல் அலுவலகத்தின் சமீபத்திய மதிப்பீடுகளின்படி, ஸ்கொட்லாந்தில் கொவிட் தொற்றுகள் வெகுவாகக் குறைந்துள்ளன.ஏப்ரல் 23ஆம் திகதியுடன் முடிவடைந்த வாரத்தில் நாட்டில் 25 பேரில் ஒருவருக்கு கொவிட் இருந்தது, முந்தைய வாரத்தில் 19 பேரில் ஒருவருக்கு இருந்ததை வாராந்திர மாதிரி காட்டுகிறது. ஸ்கொட்லாந்தில் தொடர்ந்து ஐந்தாவது வாரமாக நோய்த்தொற்றுகள் குறைந்துள்ளன.