எரிபொருள் கொண்டு செல்லும் கொள்கலன்கள் முறையாக சுத்தம் செய்யப்படாது சமையல் எண்ணெய் கொண்டு செல்லப் பயன்படுத்தப்படுவதாக எழுந்த குற்றச்சாட்டை அடுத்து அது தொடர்பில் விசாரணை நடத்தப்படும் என்று சீன அரசு குறிப்பிட்டுள்ளது.
இந்தத் தகவல் சீனாவில் உணவுப் பாதுகாப்பு தொடர்பிலான கவலையை அதிகரிக்கச் செய்துள்ளது.
கொள்கலன்களைச் சுத்தம் செய்யாமல் அவ்வாறு சமையல் எண்ணெயைக் கொண்டு செல்லும் நடைமுறையால் செலவு குறைகிறது என்று லொறி ஓட்டுநர்கள் கூறியதாக அந்தச் செய்தி நிறுவனம் குறிப்பிட்டுள்ளது.
கலப்படம் குறித்து இணையவாசிகள் பலரும் கோபத்தை வெளிப்படுத்தினர். விசாரணை வேண்டும் என்றும் அதிகாரிகள் விளக்கம் அளிக்க வேண்டும் என்றும் சிலர் கோரிக்கை விடுத்து வருகின்றனர்.