பாதாள உலக குழு உறுப்பினர்களான "பெக்கோ சமன்," "கெஹெல்பத்தர பத்மே," மற்றும் "தெம்பிலி லஹிரு" ஆகியோருடன் ஸ்ரீலங்கா பொதுஜன பெரமுனவின் முன்னாள் உள்ளூராட்சி மன்ற வேட்பாளர் சம்பத் மனம்பேரிக்கு வாட்ஸ்அப் தொடர்புகள் இருந்ததாக அதிகாரிகள் தெரிவித்துள்ளனர்.

இருப்பினும், மனம்பேரியை எதிர்வரும் 26ஆம் திகதி வரை விளக்கமறியலில் வைக்க உத்தரவிட்ட நீதிவான், தேவையான ஆவணங்கள் சமர்ப்பிக்கப்படுமாயின் வெள்ளிக்கிழமை தடுப்பு காவல் உத்தரவு பிறப்பிக்கப்படும் என்று அறிவித்தார்.

எனினும் சம்பத் மனம்பேரி வலஸ்முல்ல நீதவான் நீதிமன்றத்தில் முன்னிலைப்படுத்தப்பட்டபோது அங்கு பயங்கரவாதத் தடைச் சட்டத்தின் கீழ் 90 நாள் தடுப்பு உத்தரவை நியாயப்படுத்த போதுமான காரணங்களை பொலிஸ் போதைப்பொருள் தடுப்புப் பணியகம் வழங்கத் தவறிவிட்டுள்ளது என தகவல்கள் வெளியாகியுள்ளன.

மேல் மாகாண வடக்கு குற்றத்தடுப்பு பிரிவும் தற்போது இந்த வழக்கில் ஈடுபட்டுள்ளது.
பிரத்தியேகமாக, மித்தெனியவில் உள்ள வீடொன்றின் அருகே கண்டெடுக்கப்பட்ட துப்பாக்கிகள் தொடர்பாக மித்தெனியா பொலஸார் ஒக்டோபர் முதலாம் திகதி வரை மனம்பேரியை விளக்கமறியலில் வைக்குமாறு கோரினர். அவர்களுக்கு அனுமதி வழங்கப்பட்டது.

இந்தோனேசியாவிலிருந்து பல குற்றவாளிகள் நாடு கடத்தப்பட்ட பின்னர் தொடங்கிய ஒழுங்கமைக்கப்பட்ட குற்றம் மற்றும் போதைப்பொருள் கடத்தல் தொடர்பான விரிவான விசாரணையைத் தொடர்ந்து நீதிமன்றத்தில் முன்னிலையானார்.

இந்த விசாரணைகளின் போது, மித்தெனியவில் உள்ள மனம்பேரிக்கு சொந்தமான ஒரு சொத்து உட்பட பல்வேறு இடங்களில் ஐஸ் எனப்படும் கிரிஸ்டல் மெத்தம்பேட்டமைன், துப்பாக்கிகள் மற்றும் போதைப்பொருள் உற்பத்தியில் பயன்படுத்தப்பட்டதாக சந்தேகிக்கப்படும் பொருட்கள் கண்டுபிடிக்கப்பட்டமை குறிப்பிடத்தக்கது.