கிழக்கு உக்ரைனில் உள்ள ரஷ்ய பினாமி நீதிமன்றத்தால் இரண்டு பிரித்தானியர்களுக்கு மரண தண்டனை விதிக்கப்பட்டுள்ளது.இதுகுறித்து வெளியுறவு செயலாளர் லிஸ் ட்ரஸ் தனது உக்ரைனிய பிரதிநிதியுடன் பேச்சுவார்த்தை நடத்தவுள்ளார்.ட்ரஸ், உக்ரைனின் வெளியுறவு அமைச்சர் டிமிட்ரோ குலேபாவுடன் தொலைபேசியில் பின்னர் நிலைமையை விவாதிப்பார் என்று எதிர்பார்க்கப்படுகிறது. நாட்டிங்ஹாம்ஷையரில் உள்ள நெவார்க்கைச் சேர்ந்த 28 வயதான அஸ்லின் மற்றும் பெட்ஃபோர்ட்ஷையரைச் சேர்ந்த 48 வயதான பின்னர், இருவரும் ரஷ்ய படையெடுப்பின் போது ஏற்கனவே உக்ரைனில் வசித்து வந்தனர்.முற்றுகையிடப்பட்ட நகரமான மரியுபோலைக் காக்கும் போது ஏப்ரல் மாதம் இவர்கள் சிறை பிடிக்கப்பட்டனர்.கிழக்கு உக்ரைனில் உள்ள ரஷ்ய சார்பு பிரிந்த பகுதியான டொனெட்ஸ்க் மக்கள் குடியரசு என்று அழைக்கப்படும் ரஷ்ய ப்ராக்ஸி நீதிமன்றத்தால் மூன்றாவது நபரான மொராக்கோ நாட்டவரான சௌதுன் பிரஹிமினுடன் அவர்களுக்கு தண்டனை விதிக்கப்பட்டது. ஐடன் அஸ்லின் மற்றும் ஷான் பின்னர் ஆகியோர் கூலிப்படையினர் என ரஷ்ய ப்ராக்ஸி நீதிமன்றம் தீர்ப்பு வழங்கியுள்ளது. மூன்று பேரும் கூலிப்படையினர், அதிகாரத்தை வன்முறையில் கைப்பற்றுதல் மற்றும் பயங்கரவாத நடவடிக்கைகளை மேற்கொள்வதற்கான பயிற்சியில் ஈடுபட்டதாக குற்றம் சாட்டப்பட்டனர். இந்த தண்டனைகள் ஜெனிவா உடன்படிக்கையை மீறுவதாக பிரித்தானிய அரசாங்கமும் உக்ரைனின் உயர்மட்ட வழக்குரைஞரும் கூறியுள்ளனர்.அவர்கள் அனைவரும் தண்டனைக்கு எதிராக மேல்முறையீடு செய்ய விரும்புவதாக அவர்களது வழக்கறிஞர் கூறினார்.