வடமாகாண அமைச்சின் செயலாளர்களுக்கு இன்று (வியாழக்கிழமை) முதல் நடைமுறைக்கு வரும் வகையில் நேற்றைய தினம் புதன்கிழமை இரவு இடமாற்றம் வழங்கப்பட்டுள்ளது.வடக்கு மாகாண அமைச்சுகளின் செயலாளர்களுக்கு இடமாற்றம் வழங்கி மாகாண ஆளுநர் ஜீவன் தியாகராஜாவினால் நிர்வாக மறுசீரமைப்பு செய்யப்பட்டுள்ளது.வடக்கு மாகாண கல்வி அமைச்சின் செயலாளர் எல்.இளங்கோவன் மாகாண உள்ளூராட்சி அமைச்சின் செயலாளராக மாற்றம் பெற்றுள்ளார்.மாகாண உள்ளூராட்சி அமைச்சின் செயலாளர் ஆர்.வரதீஸ்வரன், மாகாண கல்வி அமைச்சின் செயலாளராக மாற்றம் பெற்றுள்ளார்.வடக்கு மாகாண சுகாதார அமைச்சின் செயலாளர் பா. செந்தில்நந்தனன் பேரவைச் செயலக செயலாளராக மாற்றம் பெற்றுள்ளார். மாகாண ஆளுநரின் செயலாளர் சரஸ்வதி மோகனநாதன் சுகாதார அமைச்சின் செயலாளராக மாற்றம் பெற்றுள்ளார்.பேரவைச் செயலகத்தின் செயலாளர் பி.குகநாதன் பிரதிப் பிரதம செயலாளர் பொது நிர்வாகத்துக்கு மாற்றம் பெற்றுள்ளார். இதேவேளை ஆளுநரின் செயலாளரின் இடத்துக்கு எவருமே நியமிக்கப்படவில்லை.