இதில் நேற்று நடைபெற்ற ஆண்கள் ஒற்றையர் பிரிவின் ரவுண்ட் ஆப் 16 சுற்று ஆட்டம் ஒன்றில் கிரேக்க டென்னிஸ் வீரரான ஸ்டெபனோஸ் சிட்சிபாஸ் அமெரிக்காவின் அலெக்ஸ் டி மினார் உடன் மோதினார்.

இந்த ஆட்டத்தில் ஆரம்பம் முதலே அபாரமாக செயல்பட்ட சிட்சிபாஸ் 6-1, 6-2 என்ற நேர் செட் கணக்கில் அமெரிக்காவின் அலெக்ஸ் டி மினாரை வீழ்த்தி காலிறுதிக்கு முன்னேறினார். 

நாளை நடைபெறும் காலிறுதி ஆட்டத்தில் சிட்சிபாஸ் சிலி வீரரான நிக்கோலஸ் ஜாரியை எதிர்கொள்கிறார்.

இதேவேளை  ஆண்கள் ஒற்றையர் பிரிவின் மற்றொரு போட்டியில் முன்னணி வீரரான ரஷ்யாவின் டேனில் மெத்வதேவ், அமெரிக்காவின் டாமி பாலுடன் மோதினார்.

இதில் டாமி பால் 6-1, 6-4 என்ற நேர் செட்களில் வென்று காலிறுதி சுற்றுக்கு முன்னேறினார்.

இதன்மூலம் இத்தாலி ஓபன் டென்னிஸ் தொடரில் இருந்து முன்னணி வீரரான மெத்வதேவ் வெளியேறினார். ஏற்கனவே ஜோகோவிச், ரூப்லெவ் உள்ளிட்ட முன்னணி வீரர்கள் தொடரில் இருந்து வெளியேறி உள்ளனர் என்பதும குறிப்பிடத்தக்கது.