கொழும்பு நுகர்வோர் விலைச் சுட்டெண் படி, 2023 நவம்பர் மாதத்தில் பணவீக்கம் அதிகரித்துள்ளதாக தெரிவிக்கப்பட்டுள்ளது.

கொழும்பு நுகர்வோர் விலைச் சுட்டெண்ணின் வருடாந்த புள்ளி மாற்றத்தால் அளவிடப்படும் பணவீக்கமானது, 2023 ஒக்டோபரில் பதிவான 1.5 சதவீதத்திலிருந்து 2023 நவம்பரில் 3.4 சதவீதமாக உயர்ந்துள்ளதாக மக்கள் தொகை கணக்கெடுப்பு மற்றும் புள்ளிவிபரத் திணைக்களம் அறிவித்துள்ளது.

அதனடிப்படையில், வருடாந்திர புள்ளி அடிப்படையில் உணவுப் பணவீக்கம் 2023 ஒக்டோபரில் -5.2 சதவீதத்திலிருந்து 2023 நவம்பரில் -3.6 சதவீதமாக உயர்ந்துள்ளது.

2023 ஒக்டோபரில் 4.9% ஆக இருந்த உணவு அல்லாத வகைகளின் பணவீக்கமானது நவம்பர் 2023 இல் 6.8% ஆக அதிகரித்துள்ளது.