உடனடியாக மோட்டார் சைக்கிளிலிருந்து குதித்து அருகிலுள்ள வீட்டிற்கு ஓடிய அவர் அங்கிருந்த ஒரு பெண்ணிடம் தான் சுடப்பட்டதாகவும், உடனடியாக வைத்தியசாலையில்  அனுமதிக்குமாறும் கூறியுள்ளார்.

பின்னர் அருகிலுள்ள முச்சக்கர வண்டியில் ஏறி அதிலிருந்து விழுந்ததாகத் தெரிவிக்கப்படுகின்றது.

இதனையடுத்து சம்பவ இடத்திலிருந்தவர்கள் இது குறித்து 119 என்ற அவசர தொலைபேசி எண்ணுக்குத் தகவல் தெரிவித்ததை அடுத்து, பொலிஸார் உடனடியாக குறித்த நபரை ஹோமாகம ஆதார வைத்தியசாலையில் அனுமதித்துள்ளனர்.

இருப்பினும் அவர் உயிரிழந்தார்.

இதற்கிடையில், சந்தேக நபர்களைக் கைது செய்வதற்காக பொலிஸார் வீதித் தடைகளைப் பயன்படுத்தி வாகனச் சோதனையிட்டனர்.

  இதன்போது, தலங்கம, பாலம்துன சந்திப் பகுதியில் துப்பாக்கிச் பிரயோகத்தை மேற்கொண்ட நபர் பயணித்த கார் மற்றும் அதன் சாரதி, சம்பவத்திற்கு பயன்படுத்தப்பட்டதாக சந்தேகிக்கப்படும் 9 மில்லிமீற்றர் ரக துப்பாக்கியை பொலிஸார் கைப்பற்றினர்.

பின்னர், சம்பந்தப்பட்ட சாரதியிடம் நடத்தப்பட்ட விசாரணையில் கிடைத்த தகவலின் அடிப்படையில், துப்பாக்கிச் சூடு நடத்திய நபரும் மற்றொரு நபரும் நேற்று மதியம் தலங்கம, பாலம்துன சந்திக்கு அருகில் பொலிஸாரால் கைது செய்யப்பட்டனர்.   

துப்பாக்கிச் சூட்டில் உயிரிழந்த ஹோமாகம பிரதேச சபையின் முன்னாள் உறுப்பினர் நிலம் கையகப்படுத்துதல், விற்பனை மற்றும் கட்டுமான தொழிலில் ஈடுபட்டவர் என பொலிஸார் தெரிவித்தனர்.


சில நாட்களுக்கு முன்னதாக மீகொடை காவல்துறைக்குச் சென்று நிலத்தகராறு தொடர்பில் ஏற்பட்ட மோதல் குறித்து முறைப்பாடளித்ததாக தெரிவிக்கப்படுகின்றது.

கொலை செய்யப்பட்ட நபர் ககன என்ற ஒழுங்கமைக்கப்பட்ட குற்றவாளியின் மைத்துனர் என்றும் கூறப்படுகிறது.

லலித் கன்னங்கர என்பவர் பாஸ் லலித் என்ற பெயரைப் பயன்படுத்தி பல்வேறு நபர்களிடமிருந்து பணம் பறித்ததாகவும், அதற்குப் பழிவாங்கும் விதமாக பாஸ் லலித் இந்தக் கொலையைத் திட்டமிட்டதாகவும் பொலிஸார் சந்தேகிக்கின்றனர்.

லலித் கன்னங்கர என்ற நபர் ஹங்வெல்ல, ஹோமாகம, மீகொட, அத்துருகிரிய, பத்தரமுல்லை, தலவத்துகொட மற்றும் பிற பகுதிகளில் நிலம் தொடர்பான தொழில்களில் ஈடுபட்டுள்ள சில தொழிலதிபர்களிடமிருந்து கப்பம் பெறுதல் மற்றும் பலவந்தமாக நிலத்தினை கையகப்படுத்தும் நடவடிக்கையில் ஈடுபட்டு வந்துள்ளார்.

இவ்வாறான ஒரு பின்னணியிலேயே நேற்றைய துப்பாக்கிசூடு இடம்பெற்றுள்ளது.

இதேவேளை, குறித்த துப்பாக்கிச் சூட்டு சம்பவத்துடன், இந்த ஆண்டின் இதுவரையான காலப்பகுதியில் 78 துப்பாக்கிச் சூட்டு சம்பவங்கள் பதிவாகியுள்ளன.

இதில் 43 பேர் உயிரிழந்ததுடன் 47 பேர் காயமடைந்தமை குறிப்பிடத்தக்கது.