இந்தியாவில் அதிக சம்பளம் வாங்கும் தலைமை நிர்வாக அதிகாரிகளின் (CEO) பட்டியலில் விப்ரோ நிறுவனத்தின் தலைமை நிர்வாக அதிகாரி தியரி டெலாபோர்ட் முதலிடம் பிடித்துள்ளார்.

மும்பை பங்குச் சந்தையை கொண்டு முன்னணி 500 நிறுவனங்களை பகுப்பாய்வு செய்து எகனாமிக் டைம்ஸ் நிறுவனம் இந்தியாவில் அதிகம் சம்பளம் வாங்கும் தலைமை நிர்வாக அதிகாரி யார் என்பதை வெளியிட்டுள்ளது.

இதில் முதல் 10 இடங்களில் 7 இடங்களை தகவல் தொழிநுட்ப நிறுவனத்தின்(IT sector) சிஇஓ-க்கள் பெற்றுள்ளனர்.

இதற்கு மற்ற துறை நிறுவனங்களை விட தகவல் தொழிநுட்ப நிறுவனங்கள் நேரடியாக உலக சந்தையுடன் போட்டி போடுவது முக்கிய காரணமாக பார்க்கப்படுகிறது.

இந்த தரவரிசையின் அடிப்படையில் 2023ம் ஆண்டில் இந்தியாவில் அதிக சம்பளம் வாங்கிய சிஇஓ-க்களில் விப்ரோ(Wipro) நிறுவனத்தின் சி.இ.ஓ தியரி டெலாபோர்ட்(Thierry Delaporte) முதலிடம் பிடித்துள்ளார்.

அவர் ஆண்டு சம்பளமாக மட்டும் சுமார் 82 கோடி (இந்திய மதிப்பின் படி) வரை பெற்றுகிறார்.

அவரை தொடர்ந்து இன்போசிஸ் (Infosys) சி.இ.ஓ சலிப் பரேக் 56.45 கோடி ரூபாய், டெக் மஹிந்திரா(Tech Mahindra) சி.இ.ஓ சிப் குர்னானி 30 கோடி என அடுத்தடுத்த இடத்தில் உள்ளனர்.