துருக்கி ஏர்லைன்ஸ் இலங்கையுடன் நேரடி விமான சேவைகளை ஆரம்பித்ததுடன், முதலாவது விமானம் இன்று காலை கட்டுநாயக்க விமான நிலையத்தை வந்தடைந்தது.

சுமார் 10 வருடங்களாக துருக்கி ஏர்லைன்ஸ் மாலைதீவு வழியாக கட்டுநாயக்க விமான நிலையத்திற்கு தனது விமான சேவைகளை நடத்தி வருகின்றது.

துருக்கியிலிருந்து இலங்கைக்கு வரும் பயணிகளின் எண்ணிக்கை மூன்று மடங்கு அதிகரிக்கும் என விமான நிலையம் மற்றும் விமான நிலைய தலைவர் ஓய்வுபெற்ற மேஜர் ஜெனரல் ஜி.ஏ.சந்திரசிறி விமான நிலையத்தில் இடம்பெற்ற வரவேற்பு நிகழ்வில் தெரிவித்தார்.

அதற்கமைய, துருக்கியின் இஸ்தான்புல்லில் இருந்து துருக்கி விமான சேவையின் முதல் விமானமான TK-730 இன்று காலை 05.40 மணிக்கு கட்டுநாயக்க விமான நிலையத்தை வந்தடைந்தது.

இந்த விமானத்தில் இருந்து 261 பயணிகள் கட்டுநாயக்க விமான நிலையத்தை வந்தடைந்ததுடன், துருக்கியின் இஸ்தான்புல் நோக்கி புறப்பட்ட விமானத்தில் 209 பயணிகள் சென்றுள்ளனர்.

இஸ்தான்புல், துருக்கி மற்றும் இலங்கையின் கட்டுநாயக்க விமான நிலையத்திற்கு இடையே நேரடி விமான சேவைகள் 08 மணிநேரம் எடுக்கும் மற்றும் ஒவ்வொரு வாரமும் திங்கள், செவ்வாய், வியாழன் மற்றும் சனிக்கிழமைகளில், இந்த விமானங்கள் துருக்கியிலிருந்து காலை 05.40 மணிக்கு வந்து காலை 07.40 மணிக்கு கட்டுநாயக்க விமான நிலையத்தில் இருந்து திரும்பும் என அறிவிக்கப்பட்டுள்ளது.

மேலும், எதிர்வரும் 2024ஆம் ஆண்டு முதல் இந்த துருக்கி விமான சேவைகள் வாரத்தின் 7 நாட்களுக்கு ஒருமுறை கட்டுநாயக்க விமான நிலையத்தை வந்தடையவுள்ளன.