மத்திய கிழக்கு நாடுகளில் ஏற்பட்டுள்ள பதற்றமான சூழ்நிலை காரணமாக சில வான்வழிகள் மூடப்பட்டுள்ளதாக ஸ்ரீலங்கன் ஏர்லைன்ஸ் விமான சேவை தெரிவித்துள்ளது.

இதனால் லண்டன் உட்பட  ஐரோப்பிய நாடுகளின் வான் வழித்தடங்களில் பல்வேறு மாற்றங்கள் மேற்கொள்ளப்பட்டுள்ளதாக ஸ்ரீலங்கன் ஏர்லைன்ஸ் விமான சேவை தெரிவித்துள்ளது.

இதன் காரணமாக,  ஐரோப்பிய நாடுகளுக்கான விமான சேவைகளின் போது விமான பயணத்துக்கான நேரம் அதிகரிக்க கூடும்.

லண்டனில் இருந்து கொழும்பை வந்தடைந்த UL - 504 விமானம் எரிபொருள் நிரப்புவதற்காக மாற்றுப்பாதையில் தோஹாவிற்கு திருப்பி அனுப்பப்பட்டது.

இதேவேளை, கொழும்பிலிருந்து பாரிஸ் நோக்கி புறப்பட்ட UL - 501 விமானம் மாற்றுப்பாதையில் பயணிக்கின்றது.

மேலதிக தகவல்களுக்கு ஸ்ரீலங்கன் ஏர்லைன்ஸ் விமான சேவையின் 1979 , 94 11 777 1979 அல்லது 94 74 444 1979 என்ற தொலைப்பேசி இலக்கங்களுக்கு தொடர்பு கொள்ளுமாறு அறிவிக்கப்பட்டுள்ளது.

இதேநேரம் இந்தியாவில் இருந்து லண்டன் நோக்கி சென்ற விமானம் ஒன்று மூன்று மணி நேரத்தின் பின்னர், மீண்டும் ஏறிய இடத்தில் தரையிறங்கியுள்ளது.

மும்பை விமான நிலையத்தில் இருந்து இன்று காலை 5:39 மணிக்கு விமான நிலையத்திலிருந்து புறப்பட்டு லண்டன் நோக்கி புறப்பட்டது.

எனினும் மூன்று மணி நேரத்தின் பின்னர் குறித்த விமானம், மீண்டும் மும்பை விமான நிலையத்தில் வந்தடைந்துள்ளது.

 ஈரானில் நிலவும் சூழ்நிலை மற்றும் அதன் வான்வெளி மூடப்பட்டதால் விமானம் திரும்பி வந்ததாக இந்திய ஊடகங்கள் தகவல் வெளியிட்டுள்ளன.