புதிதாக அறிமுகமாகும் ரியல்மி V5

ரியல்மி தனது புதிய ஸ்மார்ட்போன் ஆன ரியல்மி வி5 மொடலை அறிமுகப்படுத்த உள்ளது.

ரியல்மி நிறுவனம் வி சிரீஸ் எனும் புதிய தொடரின் கீழ் புதிய ஸ்மார்ட்போன்களை அறிமுகம் செய்ய தயார் நிலையில் உள்ளது. இந்த தொடரின் முதல் மொடலாக ரியல்மி வி5 ஸ்மார்ட்போன் களமிறங்கவுள்ளது.

இந்த ஸ்மார்ட்போனில் சமீபத்தில் அறிவிக்கப்பட்ட மீடியாடெக் டைமன்சிட்டி 720 சிப்செட் இடம்பெறும் என்றும் கூறப்படுகிறது. இந்த புதிய வன்பொருள் டைமன் சிட்டி 800 வரிசையின் ஒரு படி கீழே உள்ள ஒரு மாதிரியாக அறிவிக்கப்பட்டது.

அன்டுட்டு பெஞ்ச்மார்க் இயங்குதளத்திலிருந்து கிடைக்கப்பெற்ற தகவலின்படி, இந்த புதிய ரியல்மி வி5 ஸ்மார்ட்போன் ஆனது புதிய மீடியாடெக் டைமன்சிட்டி 720 5ஜி சிப்செட் உடனாக 301,380 புள்ளிகள் என்கிற ஒட்டுமொத்த மதிப்பெண்ணை பெற்றுள்ளது. 5ஜி திறன்களை மலிவான ஸ்மார்ட்போன்களுக்கு கொண்டு வருவதற்கான ஒரு முயற்சியாக மீடியா டெக்கின் டைமன்சிட்டி 720 பார்க்கப்படுகிறது.

301,380 புள்ளிகள் என்கிற ஒட்டுமொத்த மதிப்பெண் என்பது ரியல்மி வி5 ஸ்மார்ட்போனில் நிகழ்த்தப்படும் வெவ்வேறு செயல்திறன் சோதனைகளை அடிப்படையாக கொண்டதாகும். சிபியு சோதனைகளில், இது 96,385 புள்ளிகளையும், ஜி.பீ.யூ சோதனைகளில் 73,639 புள்ளிகளையும் பெற்றது. பின்னர், நினைவக வேக சோதனைகளில், இது 74,302 புள்ளிகளைப் பெற்றது, இடைமுக சரள சோதனைகளில் (யுஎக்ஸ்), இது 57,054 புள்ளிகளைப் பெற்றது.

இந்த முடிவு, டைமன்சிட்டி 720 தொழில்நுட்பத்துடன் ஸ்மார்ட்போனின் செயல்திறன் ஹவாய் ஹைசிலிகான் கிரின் 810 செயலி போன்ற போட்டியாளர்களுடன் இணையாகவும், குவால்காமின் ஸ்னாப்டிராகன் 765 SoC க்கு நெருக்கமாகவும் இருப்பதைக் காட்டுகிறது.

இந்த ஸ்மார்ட்போன் 6.5 இன்ச் ஐபிஎஸ் எல்சிடி ஸ்க்ரீன் புல் எச்டி + தெளிவுத்திறனை கொண்டிருக்கலாம். பின்புறத்தில், 48 மெகாபிக்சல் முதன்மை சென்சார், 8 மெகாபிக்சல் அல்ட்ரா-வைட் லென்ஸ் மற்றும் ஒரு டெப்த் சென்சார் மற்றும் ஒரு மெக்ரோ சென்சார் என்கிற குவாட்-கேமரா அமைப்பை கொண்டிருக்கும். முன்பக்கத்தில், ஒரு 16 மெகாபிக்சல் செல்பீ கேமராவைக் கொண்டிருக்கலாம்.

மேலும் இந்த ஸ்மார்ட்போன் 5,000mAh பேட்டரியை 30W பாஸ்ட் சார்ஜிங் ஆதரவுடன் தொகுக்கிறது. இந்த ஸ்மார்ட்போன் 8 ஜிபி RAM மற்றும் 256 ஜிபி வரை உள் சேமிப்புடன் வரும் என்றும் எதிர்பார்க்கப்படுகிறது. இது ரியல்மி UI கஸ்டம் அடுக்கின் கீழ் Android 10 இயக்க முறைமையை கொண்டிருக்கும். இறுதியாக, இது சில்வர், ப்ளூ மற்றும் க்ரீன் ஆகிய மூன்று வண்ண விருப்பங்களில் வாங்க கிடைக்கும்.